الشخصية اللى هتكلم عنها هو الحسن البصرى
اسمه الحسن و دا لانه كان شديد الحسن و الجمال
و البصري لانه ولد قى مدينة البصرة فى العراق
كان لقبه سيد التابعين.
اول واحد اتكلم عن اصلاح القلوب فى الاسلام كان هو.
قصة حياته طلعت منها ب 3 دروس مهمين جدا :
الدرس الاول :الرحمة
الحسن البصري و اسرته كانوا عبيد عند زيد بن ثابت و اللى اعطاهم الحرية و اعتقهم و من هنا اتعلم الحسن البصري الرحمة من و هو فى سن 10 سنين
الدرس التاني: الحب و الوفاء
الحسن البصري اصر انه يبقى جنب زيد بن ثابت و مش هيسيبه عرفانا بالجميل
و بعدين حصلت صدمة غيرت تفكير الحسن البصري و هو انه كان شاهد على مقتل عثمان بن عفان
اللى قتله جماعة من المتطرفين و معاهم فتاوي و اسانيد دينية تبيح قتل عثمان
و قارن بعدها الحسن بين موقف القتلة دول و موقف زيد بن ثابت لما اعتقه و استنتج ان رحمة القلب مع معلومات ضئية افضل من غلظة القلب مع معلومات غزيرة
الحسن البصري عمل ثورة فى مجال اصلاح القلوب و قسم مراحل فساد القلب ل 5 مراحل:
✔لهو القلب
✔قلب غليظ
✔زيغ القلب
✔قسوة القلب
✔عمى القلب
الحسن البصري يعتبر اشتق العلم دا من حاجتين
✅من مشهد مقتل عثمان لن عفان
✅و من الاية الكريمة: كلا بل ران على قلوبهم ما كانوا يكسبون.
الدرس التالت و الاخير و الاهم:
“””التجديد و الاصلاح”””
الحسن قرر انه يهاجر من المدينة المنورة اللى فيها الناس استفادوا من علمه بالفعل و قرر انه يعلم ناس جديدة و هاجر لموطنه مدينة البصرة
دا غير انه كان بيستخدم طرق غير نمطية عشان يوصل فكرته للناس مكانش مجرد كلام خام لا كان بيستخدم وسائل ايضاح زى الشمس و الحصى و يضرب بيهم امثلة
