“اكبر منك بيوم يعرف عنك بسنه “😌
هو المثل ممكن يكون صح فعلا ..اكيد
كل ماعدي عليك يوم التجارب والحياة بتعلمك
حاجه جديدة😉 بس ده مش معناه.. انك لو سنك صغير
فده ممكن يكون عائق بالنسبه ليك انك تعمل انجاز عظيم او انك تكون حاجه كبيرة.. 😃
لو مش مقتنعين هاحكيلكم حدوته صغيرة 😂😂
…طبعا اكيد اغلبكم سمع عن حادثه الافك (دي الحادثه المشهورة اللي اتهمت فيها السيده عائشه بالباطل وبرئها ربنا بايات القران) ..الحدث ده كان صعب جدااا ع الرسول عليه الصلاة والسلام 😓.. وكل الناس اللي حواليه ف الوقت ده كانوا ما بين مؤيد ومعارض للي بيحصل 😪ودايما الرسول كان بياخد بمشورة اصحابه ..ولما قرر يستشيرهم ف الموقف ده
اختار اقرب اتنين ليه.. علي بن ابي طالب… واسامه بن زيد ☺وكان وقتها عنده 16 سنه ..قاله ماذا رايت علي عائشه ؟رد عليه وقال” والله ماعلمت علي اهل بيتك الا كل خير يا رسول الله “.. لا لحظه كده😎.. مين؟؟ عنده كام؟؟؟!!😮 ازاي يعني الرسول خد رايه ؟! ده طفل 😏..الطفل ده قاد جيش عظيم فيه كبار المهاجرين الاوائل .. زي سيدنا عمر بن الخطاب وسيدنا ابوبكر الصديق …نحكي بقي القصه من الاول 😉 الرسول “صلي الله عليه وسلم كانه عنده مولي متبنيه كان اسمه زيد بن حارثه كان بيحبه جدااا.. وزوجه لام ايمن ودي كانت جاريه عند السيده امنه وكان بيعتبرها زي امه فعلا.. ولما ولدت ام ايمن “اسامه” الرسول فرح جدااا وكان دايما بيقول عليه “الحب بن الحب”❤ و اتربي اسامه في بيت النبوة مع الحسن حفيد الرسول صلي لله عليه وسلم… لحد ما بقي شاب عنده 15 سنه☺ راح يشارك في غزوة الخندق فأجازه النبي ورفض.. وبعدها ف غزوة أحد.. رفض برده النبي انه يشارك عشان سنه صغير فبكي من شده حزنه 😢..وفي غزوة حنين هو كان من الناس القليله اللي ثبتت مع الرسول لحد ما حولوا الهزيمه لنصر… وفي غزوة مؤته كان لسه تحت 18 سنه جاهد تحت اللواء مع ابيه وشافه وهو بيموت واحتسبه من الشهداء 😐وكمل تحت لواء كل قائد من المسلمين ف الغزوة دي.. ولما حب النبي يبعت جيش للشام وكان فيه قادات المهاجرين “عمر.. ابوبكر.. عثمان.. ” ولي اسامه بن زيد الامارة علي الجيش ده😃 ..وكان شايف رحاجه عقله ف التفكير وقدرته علي قيادة الجيش..وقتها اعترض ناس كتير. ازاااي هتدخلي غلام صغير يقود جيش فيه اكبر المهاجرين 😰؟؟! ..والرسول وقتها قالهم اللي يرفض امارة اسامه فهو كده بيرفض امارتي.. ورغم انه بعدها الرسول توفي وكان الجيش لسه قريب من المدينه.. ووقتها حصلت فتن كتير…وفئه من المسلمين طلبت من سيدنا ابوبكر…يحل جيس اسامه الا انه رفض يحل حاجه امر بيها سيدنا محمد.. وفعلا خرج اسامه بالجيش واثبت قوة جيش الاسلام ومكانته…وحقق نصر عظيم..
#السن_موقفش سيدنا اسامه عن انه يبقي شخصيه عظيمه.. وقدوة لاي شاب دلوقتي بيقرا قصته ❤.. وما استسلمش لاي احباط او اعتراض عليه✋
#ايمانك بنفسك قوتك…💪
#متتنازلش عن حلمك.. اي ان كان الحواجز😉
