الفترة الأخيرة كانت حملة مائة مليون صحة لعلاج فيروس سي و اللى كلنا شاركنا فيها ..
بس حد سأل نفسه ايه اللى ممكن يعمله فيروس C او Bاو A ؟!! و ليه الفيروسات دى خطيرة كدا 🤔

خطورة الفيروسات دى انها بتؤدى لمرض اسمه 👈الفشل الكبدى👉
طيب يعنى ايه و ليه هو خطير ؟؟
هنعرف خطورة الفشل الكبدى لما نعرف وظائف الكبد ..
1) هضم بعض النشويات و الدهون و تنقية الجسم من السموم.
2) تصنيع البروتينات و عوامل تجلط الدم و العصارة الصفراوية.
3) تخزين بعض الفيتامينات زى فيتامين AوDوEوK .
4) من أهم الأعضاء المناعية فى الجسم.👌

فشل الكبد بيحصل لما الكبد تفشل فى إنها تقوم بالوظائف دى و بيكون السبب يا اما الاصابة بفيروس من الفيروسات دى او سوؤ التغذية او اكل المشروم البرى المسمم او المشروبات الكحولية.

علشان كدا المرض دا خطير جدا (طريق بلا عودة) لو الكبد دخلت فى الفشل يبقى دى النهاية💀 .. بس للطف ربنا بينا قبل الفشل الكلوى ما يحصل الكبد بتمر بمراحل بتاخد سنين كتيرة بتبدا بالاصابة بالفيروس و بعدين بتبدأ تتحول الكبد لانسجة بدل الخلايا لحد ما توصل لتليف الكبد و بعد كدا يحصل الفشل الكبدى ..

و طبعا وظائف الكبد مش بتقل مرة واحدة لا .. بتقل بالتدريج من اول مرحلة للنهاية .. و بيبدأ المريض يجيلة صفرة حادة و ترجيع و دائما ذهنه مش مركز و بيحس بدوخة ..

علشان كدا لازم ناخد بالاسباب و نحاول نتجنب الإصابة بالمرض و ده عن طريق ..
1) أخد تطعيم ضد فيروس B و A و العلاج من فيروس C .
2) عدم لمس دم شخص آخر و تجنب الوخز بسرنجات مستعملة مسبقا .
3) التأكد من تعقيم المعدات المستخدمة فى حقن الجلد اثناء عمل وشم او ما شابه.
و ده لان رقم (2) و (3) بيسببوا انتقال الفيوس و العدوى لو كان الشخص اللى استخدم المعدات مصاب ..
4) تجنب المشروبات الكحولية و خاصة لو كان المريض بياخد مسكنات زى Tylenol و اللى بتستخدم لعلاج ألام الصداع .. الخ .
5) التغذية السليمة و أكل أنواع مختلفة من الطعام (لحوم و خضراوات و فواكه).

و تقدر تتأكد من سلامة الكبد عن طريق عمل تحاليل وظائف الكبد زى (انزيمات الكبد) و تحليل الفيروسات .

و بكدا نبقى قدرنا نحمى نفسنا من مرض خطير زى ده .. لأن صحتنا أهم من أى حاجة تانية 😍