ماتت امنة ام الرسول ” صلي الله عليه وسلم ” عند 6 سنوات و اصبح يتيم الاب و الام فتكفل بيه جده كان الرسول فقيرا و ده علشان عيلته كانت مسئولة عن انهم يشربوا الحجاج فكانوا بيصرفوا فلوسهم كلها فى الموضوع ده فكانوا فقرا بس ده بسبب كرمهم الزيادة
كل حاجة في نشأته صلي الله عليه وسلم كانت لسبب يتيم عشان يتعلم الرحمة واللين ف الصحرا علشان يتعلم الفصاحة و الخشونة فقير عشان يحس بالغلابة و معاناتهم بعد كدا اما بقى مع جده كان سيد قريش فكان ليه مجلس بيتعامل فيه مع كبار القوم والرسول كان بيحضر و يسمع فعرف التعامل مع كبار قريش
مات جد الرسول عند 8 سنوات فكفله عمه ابو طالب وكان اشد فقرا من جده فاضطر الرسول ” صلي الله عليه وسلم ” انه يشتغل في رعي الغنم فتعلم العطف والرحمه علي الحيوان
و ف مرة و ابو طالب خارج للتجارة تعلق بيه الرسول عاوز يروح معاه ف كانت اول سفر للرسول و اول معرفته بالتجارة
و للحديث بقيه …
