بسم الله الرحمن الرحيم نبدأ سيره سيد الخلق سيدنا محمد ” صلي الله عليه وسلم ”
قبل ما نتعرف عن ولادته وظروف نشأته لازم نعرف حال العرب قبل ولاده النبي
لازم نعرف كانوا فين عشان نفهم اثر الاسلام كان ايه
1: العرب وبناء الكعبه
اليمن كانت هى موطن العرب و اصلهم يعنى كانوا متجمعين هناك لحد ما فى سد كدا اسمه (سد مأرب) وقع فحصل جفاف و مجاعات و اضطروا انهم يهاجروا و يتفرقوا فى شبه الجزيرة العربية اللى وصل فلسطين واللى راح لاخر شمال العراق و بيقولك مكة دى كانت معروفة ب وادى مكة مكان صحرا عادى ولا فيه مياه ولا اى حاجة لدرجة ان سيدنا ابراهيم لما اخد هاجر و ابنه إسماعيل و ربنا امره يروحوا على مكة ستنا هاجر قالتله هتسيبنا هنا؟! و بعدين قالتله ربنا امرك بكدا؟! قالها اه قالتله اذن لن يضيعنا.
المهم السيدة هاجر فضلت تدور على مياة و تطلع الصفا تلف و تدور متلاقيش تنزل تروح للمروه و تطلع متلاقيش و هكذا و كانت سايبة سيدنا اسماعيل فى مكان كدا على الارض لحد ما جبريل نزل ضرب بجناحه على الارض و اخرج ماء زمزم
جاءت من القبائل العربيه اللي قولنا انهم فضلوا يهاجروا ولقوا مكان ماء زمزم فاستأذنوا هاجر انهم يسكنوا حوالين المكان ده فوافقت وكبر اسماعيل ابنها في وسط اهل القبيله دي واتعلم اللغه العربيه علي ايديهم
بعد كدا جات اوامر من الله لابراهيم انه يبنى الكعبة مع اسماعيل و قاله يبنيها على قواعد البيت اللى سيدنا ادم بناه و كان اول بيت اتبنى و بعدين اتهدم
بعد ما خلصوا بناء الكعبه ربنا قال لابراهيم اذن فى الناس بالحج ف ابراهيم قال ازاى صوتى هيوصل للناس؟! ربنا قاله و ما عليك الا البلاغ ف راح ابراهيم على جبل عرفة و أذن و بمعجزة الهيه صوته يوصل مشارق الارض و مغاربها و ربنا يلقى فى نفوس كل الناس حب الكعبة على الارض ومن هنا ابتدا الحج
