هى واجهة التيم واللي بتوصل الدعايا لاي ايفينت او بروجيكت للناس كلها عن طريق الصفحه او السايت
وهدفها ببساطه انها تطلع ناس محترفين في كل شغل برامج الميديا ويقدروا انهم يطوروا صفحات وفي نفس الوقت يقدروا يستخدموا فيس بوك في انهم يأثروا في حياة الناس او يغيروا منهم

هي لجنة زي لجنة المعرفه كده كل فكرتها انها بتطور ف الناس اللي فيها انهم يتعلموا يدوروا على المعلومه بنفسهم وفي اكتر من مكان علشان يقدروا يشرحوا المعلومه دي لغيرهم بعد ما يكونوا بحثوا فيها وتطوروا فيها بشكل مناسب و بيخرج منها ال Speakers اللي بتقدم وبتشرح في اي ايفينت او بروجيكت

وهي واجهة اليوم علي الارض بمعني انهم المسئولين عن شكل الايفينت قدام الناس سواء ال Decoration اوالماليه بتاعت الايفينت او تنظيم اليوم وانهم يوفروا كل الحاجات اللي ممكن يحتاجوها في اليوم وهدفهم انهم يقدروا يطلعوا ناس تقدر تتصرف تحت الضغط وعندها قدره عاليه ع تنظيم اي يوم وكمان عندها اسكيلز زي ال Decision Making وكمان بتنمي عندهم فكرة المشروعات الصغيره وازاي يديروها بشكل كويس

هي لجنة مسئولة عن تواصل التيم بأي حد بره التيم اللي تقدر تجيب اي موافقات لاي بروجيكت او ايفينت او توفر Sponsors لاي ايفينت وكمان هي المسئولة عن شهرة التيم لو انها توصله لانه يكون عالمي مش علي مستوي مدينة صغيرة او محافظة واحدة بس
وبتعتمد بشكل كبير على ان يكون عندك اسكيلز زي التفاوض والاقناع